PRESS kutak
Optimizirano za IE, Operu i Safari browser

Runjić na Peristilu [2009] - Ništa nova

21:00 - 29.08.2009. (Peristil) Runjić na Peristilu [2009]
Zorica Kondža
Zorica Kondža
Ništa nova
Više o izvođaču:
Wikipedia: Zorica Kondža
Glazba: Zdenko Runjić
Stihovi: Jakša Fiamengo
Ništa nova, ništa nova
posli fešte kisne vala,
u pitaru lipi snova
cilo lito tu si stala.
Raštimane sad su ure,
zatvorene gnjiju škure...

Sad životu, punon zima,
okrenuta nan je prova,
odrišena već je cima,
ništa nova, ništa nova...

Pala je u more stina
i prozebli grdelini,
uz gradele, kraj komina
nima ko da te zamini.

I dok jugo stalno jača,
oko kuće reste drača...

Sve se sprema da podivja,
a mi kano stara bova
plutamo bez pravog cilja:
ništa nova, ništa nova...

Uzalud privrćen foje
ča će reć mi na sva justa,
svi govore: bit će boje,
barbirija već je pusta.

Vaja vrime niz skaline
vonj mižerje i morbine...
I briškulu dikod baci
klapa ča još ni gotova
da ostari po bonaci,
ništa nova, ništa nova...

Finili su pusti kanti
i promukla već je klapa,
i po dobru svak te panti
stareć s nama sve do ščapa.
Naresle su nove plime,
popucale surgadine...

Još se pine dugi vali
i po mistu reve tovar,
jarboli u more pali:
ništa nova, ništa nova...
Original (preslušavanje dostupno za IE, Opera, Safari):
   490.45 kB
*** više o originalu ***

Share |
VREMEPLOV
Iz biografije:

1978: Oprosti mi pape

Kad je Oliver na festivalu otpjevao prvi dio i izgovorio "Oprosti mi, pape", Prokurative su se srušile. Pop je dobio nagradu za tekst. Prozivaju ga, a kako je bio u kratkim hlačama, nisu ga htjeli pustiti na pozornicu. "Ma koji si ...
... više »»»