PRESS kutak
Optimizirano za IE, Operu i Safari browser

Runjić na Peristilu [2008] - Nadalina

21:00 - 30.08.2008. (Peristil) Runjić na Peristilu [2008]
Vedran Mlikota
Vedran Mlikota
Nadalina
Glazba: Zdenko Runjić
Stihovi: Jakša Fiamengo
Ovo van je štorija o Nadalini,
more biti da vi znate Nadalinu, a?
Sva puca od lipote,
a jema je da van pravo rečen ča i vidit
smantala bi ona i većega muškardina
a di neće ovakega karonju ka ča san ja
a najskoli kad pere noge u dvoru;
Ajme!

Kad Nadalina noge toča
srid dvora u maštilu,
jo, ke beleca, ke finoća,
inšempja mladost cilu!
Svi gledaju u noge bile
uz bačve, karatile,
jer slaja je od zrileg voća
kad Nadalina noge toča!

Nadalina, Nadalina,
da si moja, Nadalina!
Jemala bi muškardina
Nadalina, Nadalina!

Jo, da mi je onoga slatkoga od fešte,
rožadi, galetini, mandulati, torte, krokanti
ni ništa slaje od slatkoga
more bit da je samo slaja Nadalina
cili dvor zamiriše i poludi
kad ona pravi slatko;
Ajme!

Kad Nadalina misi slako
u dane isprid fešte
jo, da je vidit bar na kratko,
ča skriva ispod vešte
jer slaka je ka cukar fini
dok leti po kužini
i rado bi je jema svako
kad Nadalina misi slako!

Jaja se, to cili svit zna,
moredu spravjat na mali milijun način:
i u šorbulu i na joko i sirova,
a može ih se i u tvrdo i u meko,
i u gusto i u ritko,
i sa svon mogućon spizon mutit,
al’ kad Nadalina muti jaja
kadi špatije
to je prava fešta od jaja;
Ajme!

Kad Nadalina muti jaja
zamuti pamet svima
i svakin danon sve je slaja
ka gucaj dobreg vina!
Na sebi jema sve na rige
iz ćaćine butige
i svi je želu, bez retaja
kada Nadalina muti jaja!

Aj, ča vaja poć leć,
finila je i ova,
al’ kad Nadalina greje leć,
to pari ka da cvit počiva u cviću;
Ma da mi je koji put vidit
kako se ono uvučije u posteju
i kako sva zamiriši
noć zasvitli, cvrčci počnu pismu
Nadalina, Nadalina!

Kad Nadalina gasi gasi sviću
kraj otvorenih škura
jer lito je i sve u cviću
a malo noćni ura.
Pod ponistru tad momci stanu
i naprave galamu
da poželu jon pismon sriću
kad Nadalina gasi sviću!

Nadalina, Nadalina,
bi’ ćeš moja
Nadalina!
Original (preslušavanje dostupno za IE, Opera, Safari):
   491.93 kB
*** više o originalu ***

Share |
VREMEPLOV
Iz biografije:

1981-82:Karoca

Iste godine pisao sam i glazbu za film "Servantes iz malog mista". Kad smo izašli s prve projekcije, Smoje je, kao i kod "Roka i Cicibele", zaključio: "Jebeš film u kojemu je glazba najbolja!", ...
... više »»»